મલિક, જૅકબ ઍલેક્ઝૅન્ડ્રોવિચ

મલિક, જૅકબ ઍલેક્ઝૅન્ડ્રોવિચ (જ. 1906, યુક્રેન, રશિયા; અ. 1980) : સોવિયેત દેશના રાજકારણી. તેઓ સ્ટેલિનના કૃપાપાત્ર ગણાતા હતા. 1942થી ’45 દરમિયાન તેમણે જાપાન ખાતે એલચી તરીકે કામગીરી બજાવી. 1946માં તેઓ નાયબ વિદેશપ્રધાન નિયુક્ત થયા. આન્દ્રે ગૉમિકોના અનુગામી તરીકે તેઓ 1948માં રાષ્ટ્રસંઘ ખાતે સોવિયેત દેશના પ્રવક્તા બની રહ્યા. 1953થી ’60 સુધી તેમણે બ્રિટન ખાતે એલચી તરીકેનો કાર્યભાર સંભાળ્યો. 1960માં તેઓ ફરીથી નાયબ વિદેશપ્રધાન બન્યા અને 1968થી ’76 સુધી રાષ્ટ્રસંઘ ખાતે બીજી વાર પોતાના દેશના પ્રતિનિધિ તરીકે જવાબદારી અદા કરી.

મહેશ ચોકસી