વ્લાસૉવ યુર્લી

વ્લાસૉવ યુર્લી (જ. 5 ડિસેમ્બર 1935, મૅકેયેવકા, ડૉન્તસ્ક, ઑબબલ્સટ, ઈસ્ટ યુક્રેન સોવિયેટ રાજ્ય યુ.એસ.એસ.આર.) : રશિયાના વેઇટલિફ્ટિંગના ખેલાડી. તેઓ ‘ધ વર્લ્ડ્ઝ સ્ટ્રૉન્ગેસ્ટ મૅન’નું બિરુદ પામ્યા હતા. સુપર હેવી-વેટ લિફ્ટિંગમાં સોવિયેટ ચૅમ્પિયન તરીકે લાંબી કારકિર્દી સ્થાપી. 1959માં તેઓ આંતરરાષ્ટ્રીય ખ્યાતિ પામ્યા. તેમણે યુરોપિયન તેમજ વિશ્વવિજયપદકો મેળવ્યા અને 1961-67ના 3 વિશેષ વિશ્વવિજયપદકો તથા 1960-64ના 5 વધુ યુરોપિયન વિજયપદકો જીત્યા.

ઑલિમ્પિક ખાતે તેઓ 1960માં સહેલાઈથી સુવર્ણચંદ્રકના વિજેતા બન્યા પણ 1964માં તેઓ સફળ થઈ શક્યા નહિ.

નિવૃત્તિ પછી તેઓ કવિ તરીકે પ્રવૃત્ત બન્યા.

મહેશ ચોકસી