હેડફિલ્ડ રૉબર્ટ ઍબટ (સર)

હેડફિલ્ડ, રૉબર્ટ ઍબટ (સર) (જ. 1859, શેફિલ્ડ, ઇંગ્લૅન્ડ; અ. 1940) : ધાતુશોધનનિષ્ણાત. ઍમરીની અવેજીમાં ઉપયોગમાં લઈ શકાય એવું દ્રવ્ય શોધતાં તેમણે બિનચુંબકીય મૅંગેનીઝ સ્ટીલ શોધી કાઢેલું. આ સ્ટીલ ઘસારા સામે ટકી શકે એવું અત્યંત સખત હોય છે અને તેથી ઉગ્ર પ્રતિબળો સામે ઉપયોગમાં લઈ શકાય એવું આદર્શ દ્રવ્ય ગણાય છે. તે પછી તો તેમણે ટ્રાન્સફૉર્મર તેમજ વીજ-યંત્રસામગ્રી માટે અનુકૂળ પડે એવી મિશ્રધાતુઓ તથા સિલિકોન સ્ટીલ પણ વિકસાવેલાં.

ગિરીશભાઈ પંડ્યા