મર્કૂરી, મેલિના

મર્કૂરી, મેલિના (જ. 1923, ઍથેન્સ; અ. 1994) : નામી ગ્રીક ફિલ્મ-અભિનેત્રી. 1955માં તેમણે ફિલ્મ-અભિનયનો પ્રારંભ કર્યો. ‘નેવર ઑન સન્ડે’થી 1960માં તેમને આંતરરાષ્ટ્રીય ખ્યાતિ મળી. તે નિરંતર રાજકારણ સાથે સંકળાયેલાં રહેતાં હતાં. આથી 1967થી ’74 દરમિયાન તેમને ગ્રીસમાંથી દેશનિકાલ કરવામાં આવ્યાં.

મેલિના મર્કૂરી

તે દરમિયાન તેમણે બ્રિટન તથા અમેરિકાનાં અનેક ચિત્રોમાં કામ કર્યું. તેમાં ‘ટૉપ્કાપી’ (1964) તથા ‘ગેઇલી ગેઇલી’ (1969) મુખ્ય છે. 1977માં તેઓ સ્વદેશ પાછાં ફર્યાં અને ત્યાંની પાર્લમેન્ટમાં ચૂંટાયાં તથા છેવટે 1981માં સાંસ્કૃતિક બાબતોનાં પ્રધાન પણ બન્યાં.

મહેશ ચોકસી