ફુસી

ફુસી (ઈ. પૂ. 2900) : પ્રાચીન દંતકથા મુજબ ચીનનો પ્રથમ સમ્રાટ. તે પાઓ સી અથવા મી સી તરીકે પણ ઓળખાય છે. તેનો જન્મ દૈવી માનવામાં આવે છે. તેણે પ્રાણીઓને કેળવ્યાં, તેની પ્રજાને ખોરાક રાંધતાં, જાળ વડે માછલીઓ પકડતાં અને લોખંડનાં હથિયારો વડે શિકાર કરતાં શીખવ્યું. તેણે ચીનમાં લગ્ન કરવાની પ્રથા શરૂ કરી. તેના સમયથી ચીનમાં કાયદા ઘડાવાના શરૂ થયા. ઈ. સ. 160ના એક શિલાલેખમાં જણાવ્યું છે કે નુ કુઆ નામની મહિલા તેની સાથીદાર હતી.

જયકુમાર ર. શુક્લ