કૉર્સિરા : પ્રાચીન ગ્રીસમાં કૉરિન્થ નામના નગરરાજ્યે આયોનિયન સાગરમાં ઈ. પૂ. છઠ્ઠી સદીની આસપાસ સ્થાપેલું સંસ્થાન. સમય જતાં વ્યાપાર અને વાણિજ્યમાં તે માતૃભૂમિ કૉરિન્થથી પણ આગળ નીકળી ગયું. કૉરિન્થ સાથે મતભેદો ઊભા થયા. કૉર્સિરાએ સ્થાપેલા એપિડેમ્નસ નગરમાં વહીવટી અંકુશ અંગે બંને રાજ્યો વચ્ચે સંઘર્ષ થયો. આ સંઘર્ષમાં કૉર્સિરાને પક્ષે ઍથેન્સ અને કૉરિન્થને પક્ષે સ્પાર્ટા હતાં. આ યુદ્ધ પ્રથમ પેલોપોનીશિયન યુદ્ધ (ઈ. પૂ. 431-421) તરીકે ઓળખાય છે અને તેમાં કૉર્સિરા અને ઍથેન્સનો પરાજય થયો હતો.
જ. જ. જોશી