કાલેમી : મધ્ય આફ્રિકાના ડેમોક્રેટિક રીપબ્લિક ઓફ કોંગો (ઝૈર) દેશમાં ટાંગાનિકા સરોવરના પશ્ચિમ કિનારે આવેલું બંદર. ભૌગોલિક સ્થાન : 5o 56′ દ. અ. અને 29o 12′ પૂ.રે.. ત્યાં લુકુગા નદી આવેલી છે. 1915થી 1966 દરમિયાન તે આલ્બર્ટ વિલે તરીકે જાણીતું હતું. બ્રિટિશ-બેલ્જિયમ લશ્કરી થાણા તરીકે અગાઉ સ્થપાયેલું આ શહેર ઝૈરની આયાતોનું મુખ્ય કેન્દ્ર બન્યું છે. ઉપરાંત તે કાપડ, સિમેન્ટ અને મત્સ્યોદ્યોગનું પણ કેન્દ્ર છે. આ શહેરની વસ્તી 1,47,065 (2023) છે.વસ્તીની દ્રષ્ટિએ 25 શહેરોમાંથી આ શહેર 15મા ક્રમે આવે છે.
હેમન્તકુમાર શાહ