હુબ્નેરાઇટ : MnWO4 રાસાયણિક બંધારણ ધરાવતું ખનિજ. વુલ્ફ્રેમાઇટ ઘન દ્રાવણ શ્રેણીનો મૅંગેનીઝધારક ખનિજ-પ્રકાર. તેમાં સામાન્યત: અલ્પ પ્રમાણમાં લોહમાત્રા હોય છે. તે મૉનોક્લિનિક સ્ફટિક વર્ગમાં સ્ફટિકીકરણ પામે છે.
હુબ્નેરાઇટ
તેના સ્ફટિકો ટૂંકા અને ત્રિપાર્શ્વીય હોય છે. ચમક : હીરકથી રાળમય. પ્રભંગ : ખરબચડો. કઠિનતા : 4. વિ. ઘ. : 7.2. રંગ : પીળાશ/રતાશ પડતો કથ્થાઈ. ચૂર્ણરંગ કથ્થાઈ. દેખાવે તે પારદર્શક હોય છે. તેનું ગલન ખૂબ મુશ્કેલીથી થતું હોય છે.
ગિરીશભાઈ પંડ્યા