રૉડીના, ઇરિના

રૉડીના, ઇરિના (જ. 1949, મૉસ્કો) : રશિયાનાં નામી ફિગર-સ્કેટર. 3 ઓલિમ્પિક રમતોમાં એટલે કે 1972, 1976 અને 1980માં તેઓ અન્યની જોડી(pair)માં રહી વિજેતા-પદક જીત્યાં અને એ જ રીતે 1969થી ’72 દરમિયાન ઉબાનૉવની જોડીમાં 4 તથા 1973થી 1978 દરમિયાન ઝૈત્સેવ સાથે 6 વાર વિશ્વવિજેતા પદક જીત્યાં. એ જ વર્ષો દરમિયાન યુરોપિયન વિજેતાપદક પણ જીતતાં રહ્યાં. 1975માં તેઓ ઝૈત્સેવ સાથે લગ્નથી જોડાયાં અને 1980માં નિવૃત્ત થયાં. તેમણે અવકાશયાત્રી તરીકેની તાલીમ પણ લીધી હતી.

મહેશ ચોકસી