પાલના : રશિયાના કોર્યાક સ્વાયત્ત પ્રદેશનું નગર તથા પ્રમુખ કેન્દ્ર. તે પાલના નદીના મુખપ્રદેશથી 8 કિમી. અંતરે કામચાટકા દ્વીપકલ્પના પશ્ચિમ કિનારા પર વસેલું છે. તે રશિયાના દૂર પૂર્વના પ્રજાસત્તાકનું મુખ્ય કેન્દ્ર છે. તેની પશ્ચિમે ઓખૉત્સ્ક સમુદ્ર, છેક ઉત્તરે કામેનકોજ નગર, ઈશાન દિશામાં ઓસોરા બંદર, અગ્નિ દિશામાં ઉકા બંદર તથા દક્ષિણે ટિજિલ નગર આવેલાં છે. તે 59.070 ઉત્તર અક્ષાંશ અને 159.580 પૂર્વ રેખાંશ પર છે. કોર્યાક સ્વાયત્ત પ્રદેશની સ્થાપના 1930માં થઈ હતી. નગરમાં પ્રાદેશિક સ્તરનું સંગ્રહાલય છે.
બાળકૃષ્ણ માધવરાવ મૂળે