નવગ્વ

નવગ્વ : ‘નવ’ એ સંખ્યાવાચક શબ્દ પરથી બનેલો આ શબ્દ ઋગ્વેદમાં વપરાયેલો છે. ‘દશગ્વ’ શબ્દની સાથે તેનો પ્રયોગ ઋગ્વેદમાં 1/62/4, 2/34/12, 3/39/5 અને 5/29/2 – એ ચાર સ્થળોએ થયો છે. નવની સંખ્યામાં ઇન્દ્રની મદદે જનારા ઇન્દ્રનાં ભક્ત એવાં કુળો કે કુટુંબો આ ‘નવગ્વ’ શબ્દ વડે કહેવામાં આવ્યાં છે. નવગ્વ શબ્દ ત્રણે લિંગમાં વપરાયેલો હોવાથી તે નવ કુળોનાં બાળકો, સ્ત્રીઓ અને પુરુષો એ બધા અર્થો દર્શાવે છે.

કે. કા. શાસ્ત્રી

પ્ર. ઉ. શાસ્ત્રી