દીપસ્તંભ : અનેક દીવાઓની ગોઠવણી માટેનો સ્તંભ. ખાસ કરીને દક્ષિણનાં મંદિરોમાં દીપોત્સવ માટે – અસંખ્ય દીવાઓની ગોઠવણી માટે ખાસ સ્તંભોની રચના કરવામાં આવતી. મંદિરના આગળના ભાગમાં – પ્રાંગણમાં સ્તંભ બાંધવામાં આવતો.

દક્ષિણ ભારતના એક મંદિરનો દીપસ્તંભ

આવો દીપસ્તંભ અથવા દીપમાલાનો સ્તંભ વર્તુળાકાર અથવા અષ્ટકોણાકાર ઘેરાવાવાળો રચાતો. તેની બધી બાજુઓએ દીવા મૂકવા માટે જોગવાઈ કરવામાં આવતી. આવી દીપમાલા દક્ષિણના લગભગ દરેક મંદિરમાં પ્રવેશતાં જ જોવા મળે છે. ડાકોર ખાતેના મંદિરમાં આવો દીપસ્તંભ છે.

રવીન્દ્ર વસાવડા