ગુરુત્વ-સ્તરભંગ : એક પ્રકારનો સ્તરભંગ. સ્તરભંગના મુખ્ય બે પ્રકારો છે : સામાન્ય સ્તરભંગ અને વિપરીત સ્તરભંગ. સામાન્ય સ્તરભંગમાં ગુરુત્વ અસરને કારણે ખડકબાજુની નીચે તરફ ખસતી દીવાલ તે ઝૂલતી દીવાલ અને સામેની ખડકબાજુની આધાર દીવાલ તરીકે ઓળખાવાય છે. જે સ્તરભંગમાં આધાર દીવાલની અપેક્ષાએ ઝૂલતી દીવાલ નીચે તરફ ખસે, એ પ્રકારના સ્તરભંગને ગુરુત્વ-સ્તરભંગ કહે છે. ગુરુત્વ-સ્તરભંગ અને સામાન્ય સ્તરભંગ સમાનાર્થી છે.
ગિરીશભાઈ પંડ્યા