અનુવર્તી ઝરણાં અને જળપરિવાહ (consequent streams and drainage) : ભૂમિના ઢાળને અનુસરીને વહેતાં ઝરણાં. કેટલાંક ઝરણાં (કે નદીઓ) જે વિસ્તારમાં થઈને વહે છે તે ત્યાંની ભૂમિસપાટીના ઊંચાણ-નીચાણને અનુસરે છે અને પોતાની જળપરિવાહ રચના તૈયાર કરે છે. આવાં ઝરણાંને અનુવર્તી ઝરણાં અને જળપરિવાહને અનુવર્તી જળપરિવાહ કહે છે.
![](http://gujarativishwakosh.org/wp-content/uploads/2018/03/GV0110-image005-300x179.jpg)
અનુવર્તી ઝરણું -– જળપરિવાહ
આ પ્રકારનાં ઝરણાં મૂળ ભૂમિસપાટીના ઢોળાવને અનુસરીને વહેતાં હોય છે.
વ્રિજવિહારી દીનાનાથ દવે