રસા : ઉત્તર ભારતમાં આવેલી વૈદિક યુગની નદી. વૈદિક યુગમાં ઉત્તર ભારતમાં સિંધુ નદીની જે કેટલીક શાખાઓ પશ્ચિમ તરફ વહેતી હતી એમાં રસા નામની નદીનો સમાવેશ થતો હતો. એ વૈદિક પ્રદેશના વાયવ્ય વિભાગમાં છેક અંતિમ છેડે આવેલી હતી. આ રસા નદી પછીથી જક્ષર્ટિસ તરીકે ઓળખાતી હતી. રસાની માફક કુભા (કાબુલ), ક્રુમુ (કુરમ), સુસાર્તુ, સ્વેત્યા, મેહાત્નુ, ગોમતી વગેરે નદીઓ વૈદિક સમયમાં પ્રસિદ્ધ હતી.
મુગટલાલ પોપટલાલ બાવીસી