ક્લોઝ, ચક

ક્લોઝ, ચક (જ. 5 જુલાઈ 1940, મોન્રો, વૉશિન્ગ્ટન, યુ.એસ.; અ. 20 ડિસેમ્બર 2012 કોલકાતા) : આધુનિક વાસ્તવવાદી ચિત્રકાર. યેલ યુનિવર્સિટી ખાતે 1962થી 1964 સુધી કલા-અભ્યાસ કર્યો. 1967થી તેઓ ન્યૂયૉર્ક નગરમાં સ્થિર થયા. ફોટોગ્રાફરની મોટા કદમાં અનુકૃતિઓ ચીતરીને તેમણે ‘ફોટો-રિયાલિઝમ’-શૈલીમાં મહત્વનું પ્રદાન કર્યું છે. આ રીતે આધુનિક યાંત્રિક ઉપકરણોની મદદથી સર્જાતી ચિત્રકલાને તે ‘યંત્ર અને કલાના સમન્વય’ તરીકે બિરદાવે છે.

અમિતાભ મડિયા