કોબાલ્ટાઇટ : કોબાલ્ટ-પ્રાપ્તિ માટેનું ખનિજ. કોબાલ્ટનું સલ્ફર આર્સેનાઇડ રા. બં. – CoAsS; સ્ફ.વ. ક્યૂબિક; સ્વ. સામાન્યત: ક્યૂબ, ઓક્ટાહેડ્રોન, પાયરીટોહેડ્રોનના સ્ફટિકોમાં; દળદાર, દાણાદાર અને ઘનિષ્ઠ. રં. ચાંદી જેવો સફેદ; સં. ક્યૂબને સમાંતર સુવિકસિત; ચ. ધાતુમય; ભં.સ. ખરબચડી, બરડ; ચૂ. રાખોડી, ભૂખરો કાળો; ક. 5.5; વિ. ઘ. 6.00થી 6.33; પ્રા. સ્થિ. સ્મેલ્ટાઇટ સાથે ઉષ્ણજળજન્ય શિરાઓમાં, કણશ: વિસ્થાપિત CoAs2 સંસર્ગ નિક્ષેપો તરીકે; વિકૃત ખડકોમાં છૂટીછવાઈ.
ઉપયોગ : કોબાલ્ટનું ધાતુખનિજ હોઈ કોબાલ્ટ ધાતુની પ્રાપ્તિ માટે.
વ્રિજવિહારી દીનાનાથ દવે